Endringane skyldast dels at EU-direktiva 2007/1EF og 2007/17EF vart innlemma i EØS-avtalen 28. september i år og dels ei avgjerd frå Statens legemiddelverk.
Ni nye stoff på forbodslista
Mellom anna blir ni nye stoff førte opp på forbodslista i kosmetikkforskrifta § 5. Forboda kjem etter at industrien ikkje har klart å dokumentere om bruken av desse stoffa er helseskadeleg når dei vert nytta i kosmetikk og kroppspleieprodukt. Etter det Mattilsynet kjenner til, har fleire av dei ni stoffa vorte nytta i nyare tid.
Endringar i regelverket for kosmetikk og kroppspleieprodukt
Fire stoff som er mykje nytta i produkt meinte for å minske rynker og flass eller fjerne sminke, i dusjgelear, sjampo, hårfargemiddel, sjølvbruningsprodukt og deodorantar vert omfatta av dei nye reglane. Desse stoffa er:
- salicylsyre
- sulfittar
- triclocarban
- sinkpyrition
Om du produserer eller importerer slike produkt, kan du lese meir om konsekvensane av regelverket på Mattilsynet sine sider.
Endringar i regelverket om klorhexidin
Grensa for innhaldet av klorhexidin i produkt som skal fjerne plakk blir endra frå 3 % til 0,3 %. Dette er ein konsekvens av at bruksvilkåra for 23 stoff som i dag er tillete konserveringsemne blir endra.
Les meir:
