Første mottakar av dyra skal føre oversikt over sendingar han eller ho tek imot og gjennomføre den kontrollen som er nødvendig for å sikre samsvar med dei vilkåra myndigheitene stiller til innføring av dyr før eventuell vidare distribusjon.

Oversikta skal innehalde namn og adresse på avsendar(ar) og mottakar(ar) og identiteten på sendinga.

 

Første mottakar skal i tillegg kontrollere at sendinga er følgt av pålagt dokumentasjon, at dokumentasjonen stemmer overeins med den aktuelle sendinga, og at dyra er merka i tråd med merkeforskriftene.
 
Om kontrollen viser manglar ved handelsdokument, identifikasjon eller dokumentasjon, pliktar første mottakar å underrette Mattilsynet.

 

Du skal ta vare på register over mottekne leveringar i minst ti år, og du skal leggje det fram for det lokale Mattilsynet om dei bed om det. Det same gjeld handelsdokument eller helsesertifikat som følgte sendinga.