Levande dyr som importerast til Noreg, skal ha følgje av eit helsesertifikat som er utferdige i avsendarlandet, og som stadfestar at dyret tilfredsstiller dei krava myndigheitene stiller til dyra si helse.

Helsesertifikatet skal ha eit individuelt identifikasjonsnummer, og vere utfylt, underteikna og stempla av offentleg veterinær i avsendarlandet. Det skal vidare vere fylt ut etter den malen som gjeld for vedkommande dyr.
 
Før du importerer levande dyr til Noreg, må du sjå til at dyra kontrollerast av ein offentleg veterinær i avsendarlandet. Veterinæren skal mellom anna kontrollere om dyra er friske og om transportreglane blir følgt, særleg med tanke på at dyra får vatn og fôr. Det skal også gå fram av helsesertifikatet at dyra er skikka til å gjennomføre heile transporten.
 
Helsesertifikatet skal vere  på minst eitt av dei offisielle språka i mottakarlandet. Dersom grensekontrollen blir utført i eit anna EØS-land enn mottakarlandet, skal sertifikatet også vere på eit offisielt språk i dette landet.
 
Som regel skal helsesertifikatet vere skrive ut innan 24 timar før lasting. For nokre levande dyr er det strengare krav til når helsesertifikatet skal vere skrive ut. Sertifikat for småfe skal vere skrive ut same dag som lasting. Sertifikat for fuglar og hest skal vere skrive ut dagen dyra sendast, mens for registrerte dyr av hestefamilien kan sertifikatet eventuelt skrivast ut siste yrkedag før dyra sendast.
 
I helsesertifikatet skal det også gå fram om eventuelle tilleggsgarantiar eller andre særskilte krav er oppfylt. Du må derfor forsikre deg om kva regelverk som gjeld og kva dokumentasjon myndigheitene krev for det levande dyret du ønskjer å føre inn til Noreg.
 
Spesifikke importsertifikat for ulike dyreartar ligg i TRACES/særregelverk.

 

Helsesertifikatet for levande dyr er gyldig i ti dagar og skal følgje dyret heilt fram til det er framme.