Du må ikkje avle på eigenskapar som reduserer velferda eller helsa til dyr, og avlsmetodane du bruker må ikkje påføre dyra unødig liding.

I avlsarbeidet skal det leggast vekt på å få fram friske og robuste dyr. Fryktsamme dyr skal ikkje brukast i avl.
 
Inseminering
Kunstig inseminering av storfe, småfe, svin, hest og rev skal utførast av veterinær eller person som er autorisert seminteknikar. Slik autorisasjon får du etter å ha bestått kurs i kunstig sædoverføring ved Noregs veterinærhøgskule.
 
Den som eig eller er ansvarleg for ein husdyrbuskap kan inseminere dyr i eigen buskap om vedkommande har gjennomgått opplæring ved Noregs veterinærhøgskule og har fått løyve av Mattilsynet.